ҚР ОСК төрағасының орынбасары Жамбыл облысындағы сайлау учаскелерінің дайындығымен танысты

Қазақстан Республикасы Орталық сайлау комиссиясы төрағасының орынбасары Ерман Мұхтар Тілдәбекұлы Жамбыл облысына жұмыс сапарымен келді.

Сапар барысында ол Тараз қаласындағы бірқатар сайлау учаскелерінің сайлауға дайындығын тексеріп, учаскелердегі ұйымдастыру жұмыстарының барысымен танысты.

Атап айтқанда, №58 сайлау учаскесінде учаскелік сайлау комиссиясының мүшелерімен кездесіп, сайлау процесін ұйымдастыруға қатысты мәселелерді талқылады. Сайлау учаскесінің материалдық-техникалық дайындығына, комиссия мүшелерінің әзірлігіне және сайлаушылар үшін қолайлы жағдай жасауға назар аударылды.