“Таза Қазақстан” акциясы аясында жалпы қалалық сенбілік өтті

Тараз қаласында “Таза Қазақстан” акциясы аясында жалпы қалалық сенбілік өтті

2026 жылдың 23 мамыр күні Тараз қаласында “Таза Қазақстан” экологиялық акциясы аясында жалпы қалалық сенбілік ұйымдастырылды. Іс-шара барысында қала аумағындағы басты көшелер бойында арық жүйелерін тазалау жұмыстары жүргізілді.

Сенбілікке қала тұрғындары, коммуналдық қызмет өкілдері және белсенді еріктілерден құралған 250-ге жуық адам қатысты. Бірлескен еңбек нәтижесінде арықтар мен көшелерден шамамен 3 текше метр қоқыс шығарылып, аумақтар тазартылды.

Мұндай экологиялық бастамалар қаланың санитарлық жағдайын жақсартуға және тұрғындардың қоршаған ортаға деген жауапкершілігін арттыруға бағытталған.