Сәулет және қала құрылысы мәселелері кеңейтілген кеңесте қаралды

Тараз қаласының әкімі төрағалық еткен кезекті кеңесте сәулет және қала құрылысы саласындағы өзекті мәселелер қаралды. Жиынға қала аумағындағы аудан әкімдері, жауапты бөлім басшылары мен сала мамандары қатысты.

Кеңес барысында қала аумағын дамыту, құрылыс нысандарының сапасы, бас жоспардың орындалуы, заңсыз құрылысқа жол бермеу және инфрақұрылым жүйелерін ретке келтіру мәселелері кеңінен талқыланды. Сондай-ақ жаңа тұрғын үй алаптарын инженерлік желілермен қамтамасыз ету, әлеуметтік нысандардың құрылысын уақытылы аяқтау және абаттандыру жұмыстарын жүйелеу бағытында нақты тапсырмалар берілді.

Қала әкімі өз сөзінде сәулеттік келбетті сақтау мен заманауи талаптарға сай құрылыс жүргізудің маңыздылығын атап өтті. Әрбір нысанның сапасы мен қауіпсіздігі қатаң бақылауда болуы тиіс екенін ескертіп, жауапты тұлғаларға нақты міндеттер жүктеді.

Жиын қорытындысы бойынша тиісті бөлімдерге тапсырмалар беріліп, олардың орындалуы бақылауға алынатыны айтылды.