Таразда «Мектепке жол» акциясы аясында 16 438 балаға қаржылай көмек берілді

Қала аумағында Республикалық дәстүрлі «Мектепке жол» акциясы 2025 жылдың 1 тамызы мен 30 қыркүйегі аралығында «Жақсылық жаса!» ұранымен өткізілуде.

Бұл игі бастаманың басты мақсаты – жаңа 2025-2026 оқу жылы қарсаңында әлеуметтік жағынан аз қамтылған, көпбалалы, тұрмысы төмен отбасыдан шыққан, сондай-ақ жетім және ата-анасының қамқорлығынсыз қалған балаларды мектепке толық дайындықпен баруына мүмкіндік жасап, мектеп формасы мен оқу құралдарымен қамтамасыз ету.

Биыл әлеуметтік көмекке мұқтаж 780 оқушының тізімі жасалып, оларға жеке-жеке көмек көрсету қажеттілігіне назар аударылып, қаладағы барлық мекемелер, кәсіпкерлер мен меценаттарға, барлығы 159 мекемеге хат таратылып, акцияға қосылу және өмірлік қиын жағдайда отбасылар мен балаларға көмек көрсетуге өз үлесін қосу ұсынысы жасалды.

Әлеуметтік осал отбасы балаларының жаңа оқу жылына дайындығын қамтамасыз ету үшін әлеуметтік осал топқа жататын 16 438 балаға 53 117 мың теңгеден жалпы 873 137,2 мың теңге қаржылай көмек берілді

Акция аясында демеушілер тарапынан 235 оқушыға 7 млн.50 мың теңгеге көмек көрсетілді.