Қала әкімі тұрғындарды жеке сұрақтарымен қабылдады

Тараз қаласының әкімі Бақытжан Орынбеков тұрғындарды жеке сұрақтарымен қабылдады.

Қабылдауға келген азаматтардың негізгі басым бөлігі жер кезегі мен тұрғын үй кезегі бойынша сауалмен келді.

Сонымен қатар, инфрақұрылымдық, әлеуметтік мәселелер – балалар ойын алаңшасын салу, тал кесу бойынша сұрақ қойды.

Сондай-ақ Халыққа қызмет көрсету орталығын салу үшін жер телімін беру және қоқыстың уақытылы шығарылуы жөнінде сұрақтар жолдады.

Қала тұрғындарыдың әрбір сауалына назар аударған шаһар басшысы зерделеу жұмыстарынан кейін заң аясында тиісті шешімдер қабылданатынын айтып, азаматтардың өтініш-тілектері бойынша жауапты мамандарға нақты тапсырмалар жүктеді.