Ағын су тоқтатылды

РЕСМИ АҚПАРАТ!

7 тамыз күні, сағат 20:35-те Тараз қаласында «Зербұлақ» көлінде белгісіз тұлға шлюздерді ашуы салдарынан суару каналына көп көлемде су түскен. Соның салдарынан Достоевский бұрылысы, «Водопад» кафесі, Жуанышев көшесі, «Бекзат» кафесі және Ұлбике ақын көшесінің 1 бұрылысы аумақтарында су басты.

Қазіргі уақытта тұрғын үйлерді су басу фактілері тіркелген жоқ.

Облыс әкімі Ербол Қарашөкеевтің тапсырмасымен оқиға орнында Тараз қаласының әкімі Бақытжан Орынбеков, Төтенше жағдайлар департаментінің және жергілікті атқарушы органдардың күштері мен құралдары жұмыс істеуде.

Қазіргі таңда шлюздер жабылып, судың деңгейі түсті. Жағдай бақылауда.