Талас ауданында ел спортының дамуына серпін берген жарқын оқиға өтті.

 Мемлекет және қоғам қайраткері Дінмұхаммед Ахметұлы Қонаев атындағы жасөспірімдер арасындағы республикалық футбол турнирі жоғары деңгейде ұйымдастырылып, өз мәресіне жетті.

Бұл жарыс – жас буынның спортқа деген қызығушылығын арттырып, шеберлігін шыңдауға, сондай-ақ достық пен бірлікті нығайтуға бағытталған маңызды алаң болды. Елдің түкпір-түкпірінен келген командалар тартысты ойын өрнегін көрсетіп, жанкүйерлерге керемет әсер сыйлады.

Жас футболшылардың алаңдағы жігері мен қайсарлығы – болашақ чемпиондардың қалыптасып келе жатқанын айқын дәлелдеді. Осындай ауқымды турнирлер жас таланттардың ашылуына жол ашып, отандық спорттың дамуына үлкен үлес қосады.