«ЕЛТАНУ» АҒАРТУШЫЛЫҚ ЖОБАСЫ ТАЛАС АУДАНЫНДА

 

«Игілік» көпсалалы кәсіпорын ұжымымен «Елтану» ағартушылық жобасы аясында кездесу ұйымдастырылды.

Кездесуге Жамбыл облысы әкімдігі ақпарат және қоғамдық даму басқармасы басшысының орынбасары Мамашев Қуаныш Абдрахманұлы, сондай-ақ «Қоғамдық келісім» мекемесінің басшысы Жинақбаева Мубарак Қасымқызы қатысты.

Іс-шара барысында қатысушыларға «Елтану» ағартушылық жобасының негізгі мақсаттары мен маңыздылығы кеңінен түсіндірілді. Сонымен қатар, этносаралық келісімді нығайту, қоғамдағы бірлік пен ынтымақ құндылықтарын дәріптеу, жастар арасында патриоттық сананы қалыптастыру мәселелері жан-жақты талқыланды.

Кездесу барысында ұжым мүшелері өз пікірлерін білдіріп, өзекті мәселелер бойынша ашық диалог алаңы қалыптасты. Жоба аясында ауданда жүргізілетін профилактикалық жұмыстар мен алдағы жоспарлар нақтыланды.