🔰Өңіріміздегі экологиялық проблемаларына қоғамдық бақылау жүргізілді

Ағымдағы жылдың 8-9 шілдесі аралығында Жамбыл облысына ҚР Индустрия және инфрақұрылымдық даму министрінің (ИИДМ) штаттан тыс кеңесшісі, ИИДМ-ның «Адалдық алаңы» жобалық кеңсесінің жетекшісі, ҚР Сыбайлас жемқорлыққа қарсы іс-қимыл агенттігінің Республикалық арнайы мониторингтік тобының орынбасары Б. С. Қасымов және Нұр-Сұлтан қаласындағы ЕҚЫҰ (ОБСЕ) Бағдарламалар офисінің және «Қазақстанның экологиялық ұйымдарының Қауымдастығы» Заңды тұлғалар бірлестігі өкілдерінен құралған мониторингтік топ жергілікті экологиялық проблемаларына қоғамдық бақылау жүргізу мақсатында келген болатын.
Бағдарлама аясында мүдделі мемлекеттік органдардың қатысуымен мониторингтік топ бірқатар нысандарға бас сұқты. Атап айтқанда Тараз қаласының сүзу алаңдары («Жамбыл су» КММ), Тараз қаласының полигоны («Жасыл Ел-Тараз» ЖШС), «Қазфосфат» ЖШС «ЖЖФЗ», «Минералды тынайтқыштар», Фосфогипс үйінділері, Жуалы ауданындағы «Burnoye Solar-1» ЖШС-гі бар.
9 шілде жұма күні облыс әкімдігінде облыс әкімінің орынбасары Н.М.Нұржігітовтың төрағалығымен «дөңгелек» үстел өтті. Жиынға экология саласындағы басқармалар мен кәсіпорындардың өкілдері қатысып, экологиялық проблемаларын шешуге бағытталған жұмыстарының барысы туралы мәселелер талқыланды.
Экологиялық проблемаларды талқылау барысында және табиғат қорғау объектілерін аралау нәтижелері бойынша оларды шешу бойынша ұсынымдар беріліп, ҚР Экология, геология және табиғи ресурстар министріне баяндамада жарияланатын болады.