Хаттама

Шу ауданына қарасты Жаңа жол ауылдық округі
Жаңа жол ауылындағы Тәңірберген Тәжіұлы бұрылысының тұрғындарымен жиналысының

№1хаттамасы

 

Жаңа жол ауылы                                                                 02.07.2025ж

 

Жиналыс төрағасы: Д.Алипбаев

Жиналыс хатшысы: А.Оңалбай

 

Жиналысқа қатысқандар:

1) Тәңірберген Тәжіұлы бұрылысы тұрғындарының саны - 27адам.

 

Күн тәртібінде:

Шу ауданы Жаңа жол ауылдық округі Жаңа жол ауылындағы атауы қайталанатын Тәңірберген Тәжіұлы бұрылысын «Домалақ ана» көшесі деп қайта атау туралы.

 

         Тындалды: Д.Алипбаев - ауылдық округ әкімі: Жалпы бүгінгі жиналысымызға Тәңірберген Тәжіұлы бұрылысының 27  тұрғыны қатысып отыр. Ауылдық округ әкімдігіне көше тұрғындарынан түскен ұсыныста Тәңірберген Тәжіұлы бұрылысын – Домалақ ана  көшесі деп қайта атау қажеттігін айтылған болатын. Өздеріңізге белгілі Қазақстан Республикасының 1993 жылғы 8 желтоқсандағы «Қазақстан Республикасының әкімшілік-аумақтық қаулысын кұрылысы туралы» Заңы 14-1-бабының 1-тармағын және Қазақстан Республикасы Мәдениет және спорт министрінің 2023 жылғы 1 тамыздағы «Әкімшілік-аумақтық бірліктерге, елді мекендердің құрамдас бөліктеріне атау беру, оларды қайта атау, сондай-ақ олардың атауларының транскрипциясын нақтылау мен өзгерту кезінде тиісті аумақ халқының пікірін ескеру қағидаларын бекіту туралы» № 211 бұйрығын басшылыққа ала отырып, Сіздердің пікірлеріңіз ескеріле отырып, көше атауы өзгертіледі. Осыған орай, бұрылыс тұрғындары жаңа атауға байланысты әрқайсыңыз өз ойларыңызды ортаға сала отырыңыздар.

Сөйлеген: Г.Сарсебекова - ауыл тұрғыны: Көше атауы қайталанады. Сондықтан ұсынысты қолдай отырып, Домалақ ана атауын беруді өте дұрыс деп санаймын.

Сөйлеген: Ж.Тажиев - ауыл тұрғыны: Мен өз атамның аты тұрғанын қалаймын. Сол себепті мен қарсымын.

Сөйлеген: С.Магамадов – ауыл тұрғыны: Көше атауы өзгеруіне байланысты  үйдің құжаттарын қайта рәсімдеуге  қажет пе?

Сөйлеген: Д.Алипбаев - ауылдық округ әкімі: Жылжымайтын мүлікке құқықтарды мемлкеттік тіркеу туралы Қазақстан Республикасының 2007 жылғы 26 шілдедегі № 310 Заңының 6-бабының 2-тармағына сәйкес  Жылжымайтын мүліктің сәйкестендіру сипаттамаларының өзгеруі мемлекеттік органдардың шешімі бойынша  болған жағдайда, оның ішінде  елді мекендердің атауы, көшелердің аты, сондай-ақ үйлер мен өзге де құрылыстардың реттік нөмірлері өзгерген кезде немесе Қазақстан Республикасының әкімшілік-аумақтық құрылысын реформалауға байланысты кадастрлық нөмірлер өзгерген кезде мұндай өзгерістерді тіркеу құқық иеленушіге жүктеле алмайды және өтеусіз жүзеге асырылады.

 Сөйлеген: Д.Алипбаев - ауыл әкімі: «Қазақстан Республикасының әкімшілік аумақтық құрылыс туралы» Қазақстан Республикасының 1993 жылғы 8 желтоқсандағы Заңының 14 бабы 4 тармағын және Қазақстан Республикасы Мәдениет және спорт министрлігі 2023 жылғы 1 тамыздағы №211 бұйрығымен бекітілген Қазақстан Республикасының Мәдениет және спорт министрлігінің 14.03.2018 жылғы №13-01-19/621-И хатына сәйкес Қазақстан Республикасы Президенті Әкімшілігімен келісілген «345 тарихи тұлғалар», «380 тарихи жер-су атаулары» және «298 дәстүрлі атаулар» тізімдері аясында басшылыққа ала отырып, жергілікті қауымдастық мүшелерінің пікірін ескеру мақсатында ашық дауысқа салды.

Қарсы -  6,

Қалыс - 3,

Қолдағандар саны - 18 адам.

Округ әкімі ашық дауыс беру қорытындысы Тәңірберген Тәжіұлы бұрылысын Домалақ ана көшесі деп қайта атау беру туралы ұсынысын көше тұрғындары басым көпшілігі  қолдағандығы туралы жария етті.

 

ЖИНАЛЫСТЫҢ  ШЕШІМІ:

 

1.                Шу ауданы Жаңа жол ауылындағы атауы қайталанатын Тәңірберген Тәжіұлы бұрылысын - Домалақ ана көшесі деп қайта аталсын;

2.                Тиісті аумақ халқының пікірін ескерудің қорытындысы бойынша ұсыныс облыстық ономастика комиссиясының қарауына енгізілсін.

 

 

Жиналыс төрағасы                                                           Д.Алипбаев

 

Жиналыс хатшысы                                                          А.Оңалбай