КЕҢЕЙТІЛГЕН АЛҚА ОТЫРЫСЫ

Ағымдағы жылдың 19 ақпаны күні Достық үйінде Жамбыл облысы әкімінің орынбасары Серік Сәлемовтің төрағалық етуімен әлеуметтік сала мәселелері бойынша кеңейтілген алқа отырысы өтті.

Кеңеске облыстық ақпарат және қоғамдық даму, мәдениет және тілдерді дамыту, дін істері басқармалары мен оған қарасты мекемелер, Талас ауданы әкімдігі, сондай-ақ, БАҚ өкілдері қатысты.

Алқалы жиында облыстық «Қоғамдық келісім» КММ басшысы Мубарак Жинақбаева баяндама жасап, өткен жылы атқарылған жұмыстар мен биылғы жоспарлар және ҚХА құрылымдарының негізгі қызметі туралы айтып өтті.

Сексеннен астам этностар қоныстанған Жамбыл жерінде этносаралық ахуалды тұрақтандыру бойынша «Бейбітшілік пен келісім», «Достық керуені», «Біртұтас қоғам: келісім және сенім» секілді 3 ірі пилоттық жобалар сәтті жүзеге асуда. Жиын барысында Мубарак Қасымқызы бұдан өзге мемлекеттік тілді дамыту, ұлттық құндылықтарды дәріптеу секілді бірқатар әлеуметтік жобалар аясында атқарылған істерге кеңірек тоқталды. Сондай-ақ, өңірлік ҚХА мүшелерінің қоғамдық жұмыстар мен қайырымдылық шараларға белсенділігі де кеңесте айтылды.

Биыл елімізде татулық пен бірліктің тұғырына айналған Қазақстан халқы Ассамблеясына – 30 жыл. Отырыста мекеме басшысы мерейтой қарсаңында атқарылатын жоспарлармен бөлісіп, сұрақтарға жауап берді.