АРДАГЕРЛЕР РУХЫНА ТАҒЗЫМ ЖАСАЛДЫ

Биыл Ұлы Жеңістің 81 жылдығы ауылдық округімізде кең көлемде аталып өтуде. 9 мамыр – Жеңіс күніне орай “Ұлы Отан соғысы ардагерлерін еске алуға арналған” монументінде гүл қою рәсімі ұйымдастырылды.

Іс-шара бір минуттық үнсіздікпен басталып, Ұлы Отан соғысы ардагерлерінің рухына тағзым жасалды. Шараға қатысқан ауылдық округ әкімі Жалғас Дүйсенұлы мен тыл ардагері Әділбеков Жұмашбек сөз сөйлеп, майдангерлердің ерлігі ұрпақ жадында мәңгі сақталатынын атап өтті.

Батырлардың ерлігі ұмытылмай, жас ұрпаққа үлгі болып қала береді. Еліміз аман, жұртымыз тыныш болсын!