Облыс әкімінің тапсырмасына сәйкес, аудан аумағында су тасқындарының алдын алу шаралары жүзеге асырылуда.

Осы мақсатта бүгін аудан әкімі Ернар Есіркепов Қарақыстақ, Абай, Луговой және Шөңгер ауылдарындағы су тасқыны қауіпі бар учаскелерді зерделеді.

Аталмыш елдімекендерде табиғи апатқа қарсы шаралар жүзеге асырылған. Бірақ қамданған қапы қалмайды. Бұл бағытта аудан басшысы жауапты тұлғаларға тұрақты қадағалау мен алдын алу шараларын пысықтай түсу қажеттігін тапсырды.

Сонымен қатар, Ернар Серікәліұлы зерделеу барысында шөңгерліктердің өтініш-тілектерін тыңдап, тұрғындарды республикалық «Таза Қазақстан» экологиялық акциясындағы 5 апталық абаттандыру, көгеріштендіру шараларына атсалысуға шақырды.\