ҰЛТТЫҚ СПОРТҚА ҚОЛДАУ: АУДАН ӘКІМІ АТБЕГІЛЕРМЕН ЕРКІН ФОРМАТТА КЕЗДЕСТІ

Бүгін аудан әкімі Ернар Есіркепов өлкедегі ұлттық ат спорт түрлерін дамытуға үлес қосып жүрген белсенді атбегілермен еркін форматта кездесу өткізді.

Жалпы бүгінге дейін аудандағы көкпар ойынын жүйелеу мақсатында аудандық «Көкпар» федерациясы, ал бәйге түрлерін бірізді ұйымдастыру үшін «Ат» федерациясы құрылған болатын.

Ернар Есіркепов кездесу барысында аталған федерациялардың белсенді мүшелерімен ұлттық ат спортын өткізу тәртібіне бірыңғай ереже қалыптастыру, көрермендердің қауіпсіздігін қамтамасыз ету және қолайлы жағдай жасау, сондай-ақ Құлан ауылындағы атшабарды қалпына келтіру мәселелері жан-жақты талқылап, ұлттық спорт инфрақұрылымын жетілдіру бағытында бірлескен іс-қимыл жүргізу жөнінде ортақ келісімге келді.

Сондай-ақ, аудан басшысы бүгінде өз ауылдарындағы атшабарды қалпына келтіріп, ұлттық спорттың дамуына үлес қосып отырған Құмарық ауылының белсенді азаматтары мен кәсіпкерлеріне өз алғысын жеткізді.