Қорағаты ауылдық округінде 22- Наурыз мерекесіне орай «Әз-Наурыз» атты мерекелік концерттік бағдарлама өткізілді.
Қорағаты ауылдық округі әкімі аппараты мен мәдениет үйінің ұйымдастыруымен 22-Наурыз мерекесіне орай «Әз-Наурыз» атты мерекелік кеш өткізілді. Мерекелік кешті Қорағаты ауылдық округінің әкімі Бахытбек Аблазимов Наурыз мерекесімен құттықтап, ақсақалдар алқасының төрағасы Н.Боранбаев ақ батасын берді. Ақ жаулықты әжелеріміздің өнерлері тамашаланып, мәдениет үйінің жанынан құрылған «Айгөлек» бишілер тобының орындауындағы билерімен ұласты. Ұлттық ойындар мен салт-дәстүрлер ойнатылып, көрермендерге наурыз көже таратылды.