Аудан әкімі Ернар Есіркепов кезекті Қорағаты ауылдық округі тұрғындарымен кездесті

Қазақстан Республика Президентінің «Әкімдердің халықпен тұрақты кездесулерін өткізу туралы» 2022 жылғы 3 наурыздағы №826 жарлығына сәйкес, Т.Рысқұлов ауданының әкімі Ернар Есіркепов Қорағаты ауылдық округінің тұрғындарымен кездесіп, ауданның әлеуметтік-экономикалық даму көрсеткіштері және биылғы жоспарланған жобалар туралы айтып өтті. Сонымен қатар былтырғы жылы Қорағаты ауылдық округіне Станса Қорағаты ауылына жаңа фелдшерлік акушерлік пункт ғимараты бой көтерді, Қорағаты ауылдық округіне қарасты Аққайнар Тойқұдық Мамыртөбе елді мекендерге ауыз су жүйесі жүргізілді, көшелерге жарықтандыру жүйесі орнатылды сонымен қатар биылғы жылы Қорағаты ауылына ветеринариялық пункт ғимараты соғылды.

Тұрғындар тарапынан жер мәселесіне қатысты ауыл тұрғыны С.Базарқұлов сұрақ қойып, аудан әкімі тарапынан жерді шаруа қожалықтан алу жолдарын түсіндіріп, заң аясында шешілетінін айтты. Сонымен қатар жеке қабылдауда болған М.Қисыкова жеке баспана туралы сұрақ көтеріп, тиісті шешімін тапты. Жиын соңында Қорағаты ауылындағы күрделі жөндеуді қажет ететін Мәдениет үйі ғимаратымен танысып, келесі жылға осы ғимаратқа қаражат қарастыратынын айтып өтті.