7 мамыр – Отан қорғаушылар күні құтты болсын!

Құрметті жерлестер!
Сіздерді 7 мамыр – Отан қорғаушылар күнімен шын жүректен құттықтаймын!
Бұл – Отан алдындағы парызын абыроймен атқарған ер азаматтарымызды ұлықтайтын, батырлық пен ерліктің, елге деген шексіз сүйіспеншіліктің мерекесі. Бұл күн – Тәуелсіз Қазақстанның бейбіт тіршілігі мен ел тыныштығын қамтамасыз етіп жүрген Қарулы Күштеріміздің айбынды күні.
Отан қорғау – ер азаматтың ең басты міндеті әрі абыройлы борышы. Еліміздің егемендігі мен тұтастығын сақтау жолында ерлік көрсеткен ардагерлерімізге, қазіргі таңда ел тыныштығын күзетіп жүрген сарбаздар мен офицерлерге алғысымыз шексіз.
Бүгінде ел қорғаны болып жүрген азаматтарымыздың табанды қызметі – жас ұрпаққа үлгі. Әскер қатарында шынығып, тәртіп пен табандылықтың мектебінен өткен бозбалалар болашақта елдің түрлі салаларында да елжанды, жауапты азамат ретінде қалыптасып келеді. Бұл – мемлекетіміздің болашағы жарқын, қорғаны мықты боларының кепілі.
Бүгінгі ұрпақ, әсіресе жастарымыз, елін сүйетін, Отанын қорғай алатын, батыр бабалардың ізін жалғайтын қайсар рухта тәрбиеленуі тиіс. Сондықтан бұл мереке – ұлт намысы мен ұрпақтың отансүйгіштік қасиетін дәріптейтін маңызды күн.
Баршаңызға зор денсаулық, отбасы амандығы, бейбіт өмір мен мол жақсылық тілеймін! Еліміз тыныш, тәуелсіздігіміз тұғырлы, бірлігіміз берік болсын!
Мереке құтты болсын!