Аудан бойынша ауыл әкімдерінің сайлауы 25 шілде күні өтеді.

Аудан бойынша ауыл әкімдерінің сайлауы 25 шілде күні өтеді.Осыған байланысты аудан әкімінің орынбасары Амангелді Нәметқұлов пен аудандық сайлау комиссиясының төрағасы Сержан Садуақасов аудандағы сайлау өтетін Ұланбел ауылындағы № 320 сайлау учаскелік бөлімде болып, ондағы сайлау комиссиясының мүшелерімен кездесті.
Онда кеткен кемшіліктерді түзету керектігі айтылып, індетке байланысты талаптардың орындалуын басты назарда ұстауға шақырды.
Бүгінгі таңда 4 ауылдық округі бойынша ауыл әкімдігіне 12 кандидат тіркелді. Атап айтсақ: Нұр Отан паритиясынан – 2 кандидат, Ауыл халықтық демократиялық патриоттық партиясынан – 4 кандидат, өзін-өзі ұсыну жолымен - 6 кандидат тіркелді.
4 ауылдық округі бойынша 5 сайлау учаскесі өз жұмыстарын жасауда. Жалпы аудан бойынша 4 округте сайлауға 2599 сайлаушылар қатысады. Үгіт насихат жұмыстары 14 шілде күні 18:00 ден кейін басталса, 24 шілде үнсіздік күні болып жариаланды.