Жерлесіміз Бақдаулет Ерасыл — Қазақстан Республикасының чемпионы!

Мойынқұм ауданының мақтанышы, талантты спортшы Бақдаулет Ерасыл белбеу күресінен өткен Қазақстан Республикасының чемпионатында жоғары нәтиже көрсетіп, ел чемпионы атанды.

Дүбірлі додада жерлесіміз асқан шеберлік пен қайсар мінез танытып, қарсыластарынан басым түсті. Нәтижесінде ол чемпиондық тұғырдан көрініп, туған жердің мерейін үстем етті. Бұл жеңіс – спортшының ұзақ жылғы тынымсыз еңбегі мен табанды жаттығуларының жемісі.

Белбеу күресі – ептілік пен күшті ғана емес, төзімділік пен рух мықтылығын талап ететін ұлттық спорт түрлерінің бірі. Осындай жауапты жарыста топ жарып, ел намысын абыроймен қорғау – үлкен жетістік әрі зор мақтаныш.

Жас спортшының бұл табысы аудан жастарына үлгі болып, салауатты өмір салтын насихаттауға, ұлттық спортты дамытуға серпін беретіні сөзсіз. Сонымен қатар, чемпионның жеңісі өңір спортының дамуына қосылған маңызды үлес болып табылады.

Бүгінде мемлекет тарапынан спорт саласына ерекше көңіл бөлініп, жас таланттарға жан-жақты қолдау көрсетілуде. Соның нәтижесінде ауыл жастары республикалық және халықаралық жарыстарда жоғары нәтижелерге қол жеткізіп келеді. Солардың қатарында Бақдаулет Ерасылдың бұл жеңісі – аудан спорты үшін айтулы жетістік.

Жерлестеріміз чемпионды жарқын жеңісімен құттықтап, алдағы жарыстарда да толағай табыстар тілейді.

Жеңісің құтты болсын, чемпион!
Көк Туымызды биікте желбіретіп, алар асуларың әрдайым биік болсын!