«Конституция – халық үні» атты салтанатты концерт өтті

Ауданымызда Қазақстан Республикасының Конституциясы күніне орай «Конституция – халық үні» атты салтанатты концерттік бағдарлама ұйымдастырылды. Мерекелік іс-шараның басты мақсаты – ел Тәуелсіздігінің берік тірегі болып саналатын Ата Заңымыздың маңызын кеңінен насихаттау, қоғамда құқықтық мәдениетті қалыптастыру және жас ұрпақтың бойында отансүйгіштік қасиеттерді нығайту болды.

Салтанатты кешке аудан тұрғындары, ардагерлер, зиялы қауым өкілдері, жастар мен мәдениет саласының қызметкерлері қатысты. Іс-шара барысында Қазақстан Республикасының Конституциясы – мемлекетіміздің тұрақты дамуының, азаматтардың құқықтары мен бостандықтарының сенімді кепілі екені атап өтілді. Сонымен қатар Ата Заң еліміздегі қоғамдық келісім мен саяси тұрақтылықтың негізгі іргетасы екені кеңінен айтылды.

Мерекелік концерт барысында көрермендер назарына елге деген сүйіспеншілік пен отансүйгіштік рухты дәріптейтін әндер мен музыкалық шығармалар ұсынылды. Атап айтқанда, «Көк тудың желбірегені», «Атамекен», «Жүрегім қазақ», «Қазақстаным», «Туған жерім тамаша» сияқты ел рухын көтеретін патриоттық әндер орындалды. Әрбір шығарма көрермендер тарапынан жылы қабылданып, мерекелік кештің мазмұнын байыта түсті.

Сонымен қатар концерттік бағдарламада ұлттық өнерімізді дәріптейтін сахналық қойылымдар мен би нөмірлері ұсынылды. Атап айтқанда, «Айгөлек» би тобы орындаған «Қазақ» биі кештің көркін ашып, көрермендердің ерекше ықыласына бөленді. Өнер ұжымдарының орындауындағы әрбір шығарма ұлттық құндылықтарымызды насихаттап, халқымыздың мәдени мұрасын дәріптеуге бағытталды.

Шара барысында өнерпаздар өз өнерлері арқылы Қазақстан Республикасының Конституциясы ел бірлігі мен тұрақтылығының берік негізі екенін, азаматтардың құқықтары мен бостандықтарын қамтамасыз ететін басты құжат екенін айшықтай білді. Сонымен бірге Ата Заңның қоғам өміріндегі орны мен маңызы кеңінен насихатталды.

Мерекелік концерт жоғары деңгейде ұйымдастырылып, көрермендерге ерекше әсер сыйлады. Мұндай тағылымды шаралар жастардың бойында елжандылық қасиеттерді қалыптастырып, мемлекетіміздің дамуына деген жауапкершілік сезімін арттыра түседі.

Қазақстан Республикасының Конституциясы – Тәуелсіз еліміздің құқықтық негізін айқындайтын басты құжат. Сондықтан Ата Заңымызды құрметтеу – әрбір азаматтың ортақ міндеті.

Ұлы Конституциямыз – кемел келешегіміздің кепілі. Еліміз аман, жұртымыз тыныш, бірлігіміз бекем, Тәуелсіздігіміз тұғырлы болсын!