Мойынқұм ауданында мектеп директорларына Конституция жобасы түсіндірілді

Аудан әкімі Е. Карентаевтың төрағалығымен Қазақстан Республикасының жаңа Конституциясы жобасын түсіндіру мақсатында аудан мектептерінің директорларымен кездесу өтті.

Кездесу барысында Конституция жобасына енгізіліп отырған негізгі өзгерістер мен толықтырулар жан-жақты баяндалып, олардың білім беру саласына тигізетін ықпалына ерекше назар аударылды.

Аудан әкімі өз сөзінде конституциялық реформалардың басты мақсаты – заң үстемдігін нығайту, азаматтардың құқықтары мен бостандықтарын қорғау, сондай-ақ білім беру жүйесін дамытуға қолайлы құқықтық негіз қалыптастыру екенін атап өтті.

Жиын соңында мектеп директорлары өз ұсыныс-пікірлерін білдіріп, тараптар ел болашағы үшін маңызы зор құжатқа қатысты ашық әрі мазмұнды пікір алмасудың өзектілігін атап өтті. Сонымен қатар осындай кездесулердің алдағы уақытта да жалғасатыны айтылды.