Жамбыл атындағы мектеп-лицейде Конституция жобасын түсіндіруге арналған құқықтық сауаттылық тренингі өтті

Жамбыл атындағы мектеп-лицейінде мұғалімдер мен оқушыларға арналған «Азаматтардың құқықтары мен бостандықтарын қорғаудағы Конституцияның рөлі» тақырыбында білім беру тренингі ұйымдастырылды. Іс-шара Конституция жобасын кеңінен таныстыруға, оның қоғам өміріндегі маңызын ашып көрсетуге және қатысушылардың құқықтық мәдениеті мен құқықтық сауаттылығын арттыруға бағытталды.

Тренинг барысында Конституция жобасында көзделген негізгі өзгерістер жан-жақты түсіндіріліп, азаматтардың құқықтары мен міндеттері, заң үстемдігі қағидаты, сондай-ақ мемлекеттік басқару жүйесін жетілдіруге арналған нормаларға кеңінен тоқталынды. Мамандар құқықтық тақырыптарды нақты өмірлік мысалдар арқылы жеткізіп, күнделікті тұрмыста Конституция нормаларын қолданудың жолдарын көрсетті.

Іс-шара интерактивті форматта өтіп, қатысушылар тарапынан қойылған сұрақтарға толыққанды жауаптар берілді. Мұндай кездесулер жастардың құқықтық санасын қалыптастыруға, азаматтық жауапкершілігін арттыруға және елдегі конституциялық реформалардың мәнін түсінуге мүмкіндік беретіні атап өтілді.