Қордайда өткен облыстық турнирде мойынқұмдық мемлекеттік қызметкерлер жеңіспен оралды

 

Жамбыл облысының Қордай ауданында мемлекеттік қызметшілер арасында волейболдан облыстық турнир өтті. Бұл додаға өңірдің әр ауданынан үздік спортшылардан құралған сегіз команда қатысып, өзара бақ сынасты.

Аталған сайыста Мойынқұм ауданының мемлекеттік қызметкерлер командасы жоғары дайындық пен ұйымшылдықтың үлгісін көрсетті. Қарсыластарына лайықты қарсы тұрып, шебер ойын өрнегін паш еткен мойынқұмдықтар жүлделі үшінші орынға ие болды.

Бұл жеңіс – аудан мемлекеттік қызметкерлерінің спортқа деген ықыласы мен командалық рухының айқын дәлелі. Спорт алаңында көрсеткен қажырлы еңбектері олардың тек қызметте ғана емес, спорттық сайыстарда да үздік нәтиже көрсете алатынын дәлелдеді.

Жерлестеріміздің бұл жетістігі Мойынқұм жастарына үлгі болып, бұқаралық спорттың дамуына серпін беретіні сөзсіз.