Астана қаласының Достық үйінде «Мектепке жол» қайырымдылық акциясы өтті

2025 жылғы 22 тамызда елордадағы Достық үйінде Астана қаласы Қазақстан халқы ассамблеясының ұйымдастыруымен «Мектепке жол» қайырымдылық акциясы өтті. Акцияның негізгі мақсаты – жаңа оқу жылына дайындық қарсаңында «Бақытты шаңырақ» ҚҚ мен «Ерекше балалардың ата-аналары одағы» РҚБ балаларына материалдық көмек көрсету.

Іс-шараға Қазақстан халқы Ассамблеясы Төрағасының орынбасары М. Азильханов, Астана қаласы әкімдігінің өкілдері, ҚР Мәдениет және ақпарат министрлігінің «Қоғамдық келісім» РММ, сондай-ақ елордалық АНК мүшелері қатысты.

Елордадағы этномәдени бірлестіктер мүшелері мен Аналар кеңесінің қаржылық қолдауымен өткен қайырымдылық акциясы аясында 100-ден астам бала мектеп сөмкелерімен және оқу құралдарымен қамтамасыз етілді. Сонымен қатар Достық үйіне шақырылған балалар үшін мәдени-ойын-сауық бағдарламасы ұйымдастырылды.

Айта кетейік, елордалық АНК бұл акцияға жыл сайын қатысады.