«Астана – тәуелсіздіктің тұғыры»

6 шілде – Астана күніне орай Мойынқұм аудандық мәдениет үйінде «Астана – тәуелсіздіктің тұғыры» атты мерекелік іс-шара өтті.
Кеште Мойынқұм аудандық мәдениет үйінің өнерпаздары әсем әндер мен әсерлі музыкалық шығармаларды орындап, көрермендерге көтеріңкі көңіл күй сыйлады.
Астана – тәуелсіздіктің символы, ел бірлігі мен жасампаздығының айқын көрінісі. Бас қаламыздың мерейі үстем, мәртебесі биік болып, еліміз тыныштық пен берекеде дами берсін!