Мойынқұм ауданында әскерге шақыру мәселелері бойынша ведомствоаралық жұмысшы тобының жиналысы өтті

2025 жылғы 21 тамызда Мойынқұм ауданы, Мойынқұм ауылында Тараз қалалық және аудандық әскерге шақыру комиссияларының қызметін талдау мен бағалау мақсатында ведомствоаралық жұмысшы тобының кезекті отырысы өтті.

Жиынға облыс әкімдігінің жұмылдыру дайындығы, аумақтық және азаматтық қорғаныс басқармасы (әрі қарай – Басқарма) басшысының орынбасары Әмірханов Ержан Әлімханұлы, аудан әкімі, аудан әкімінің орынбасары, құқық қорғау органдары мен аудан әкімдігінің бөлім басшылары және ауылдық округтердің әкімдері қатысты.

Күн тәртібінде 2025 жылдың көктемгі мерзімді әскерге шақыру науқанының қорытындылары және күзгі шақыруды ұйымдастыруға дайындық барысы болды. Мойынқұм ауданы бойынша көктемгі әскерге шақыру науқанында бекітілген жасақ саны 62 болса, әскерге жөнелтілгендердің саны 50 адам болған. Басқарма басшысының орынбасары күзгі мерзімді әскерге шақыру науқанының дайындық барысына ерекше тоқталып, берілген жоспарды орындау бойынша нақты жолдарды айқындап, ауданның жауапты қызметкерлеріне кешенді іс-шараларды жүзеге асыруды, бірқатар тапсырмаларды жүктеді.

Сонымен қатар, күн тәртібінде Жамбыл облысы әкімінің 2025 жылғы 21 ақпандағы №19-ө өкімімен бекітілген Жол картасындағы пункттердің орындалу барысы қаралды. Басқарма басшысының орынбасары Жол картаға сәйкес әскерге шақыру пунктінің қазіргі жағдайымен танысып, медициналық комиссия мүшелерін қажетті материладық құралдармен жабдықтау жұмыстарын аяқтауды жауапты мамандарға тапсырды.

Жұмысшы топ отырысын қорытындылай келе Басқарма басшысының орынбасары аудан әкіміне жіберілген кемшіліктердің әскерге шақыру науқанына кері әсер тигізетінін және бұл жұмыстарды жауапты қызметкерлермен толық бітіруін бақылауға алу қажеттігін айтып өтті.