ҚАЗАҚСТАН РЕСПУБЛИКАСЫНЫҢ ПРЕЗИДЕНТІ ҚАСЫМ-ЖОМАРТ КЕМЕЛҰЛЫ ТОҚАЕВТЫҢ «TURKISTAN» ГАЗЕТІНЕ БЕРГЕН СҰХБАТЫ
Бүгін, 2026 жылғы 5 қаңтарда Қазақстан Республикасының Президенті Қасым-Жомарт Кемелұлы Тоқаев «Turkistan» газетіне сұхбат берді: Қазақстан жаңғыртудың жаңа кезеңіне енді.
Мемлекет басшысы өз сұхбатында өткен жылдың қорытындыларына тоқталып, алдағы жылға арналған жоспарларымен бөлісті.
«Өткен жыл көптеген маңызды оқиғаларға толы болды. Біздің экономикамыз 6 пайызға өсті, жалпы ішкі өнім 300 миллиард доллардан асты, ал жан басына шаққанда 15 мың долларға жетті. Бұл біздің еліміз үшін ғана емес, бүкіл өңір үшін рекордтық көрсеткіш. Ал жылдың басты нәтижесі көптеген реформаларға қол жеткізілуінде. Қазақстан жаңғырту жолында үлкен қадам жасады. Қоғамда болашақ ұрпақтың әл-ауқаты үшін ауқымды өзгерістердің айрықша маңыздылығын түсіну нығайды. Біз Қазақстанда әділдік, заңдылық, тәртіп, еңбекқорлық қоғамын құрып жатырмыз, бұл біздің мемлекетіміздің болашағы үшін өте маңызды. Алайда мұнымен тоқталып қалуға болмайды. Біз бұл бағытта көп жұмыс істеуіміз керек, алға ұмтылуымыз қажет, өйткені шешілмеген мәселелер аз емес. Сондықтан, алдағы жылы бұл жұмыс қарқынды түрде жалғастырылатын болады», – деді Қ.Қ. Тоқаев.
Мемлекет басшысы өз сөзінде тағы бір тақырыпқа тоқталды – ол біздің еліміздегі туризм саласының дамуы. Өткен жылы бірқатар әлемдік бұқаралық ақпарат құралдары «Қазақстанды саяхат үшін ең үздік елдердің бірі» деп атады.
«Туризм – экономиканы, мәдениетті, қауіпсіздікті, бизнесті біріктіретін күрделі сала. Мұнда өз жұмысын жақсы білетін білікті мамандар жұмыс істеуі қажет, ең бастысы – олар Қазақстанның патриоттары болуы керек. Өткен жылы Қазақстанға миллиондаған шетелдік азаматтар келді, ішкі туризм де белсенді дамып келеді. Мұның бәрі қуантатын жағдай. Туристік ағындар үшін күресте бүкіл әлем жеке инвесторларды тартуға жағдай жасауда», – деді Қ. Қ. Тоқаев өз сұқбатында.
Аталған ауқымды іс-шаралар еліміздің туристік саласының дамуына жаңа серпін беріп, республика көлемінде қолайлы туристік климаттың қалыптасуына ықпал етеді.
Жамбыл облысы әкімдігінің кәсіпкерлік және индустриалды-инновациялық дамыту басқармасы.