Облыстық штабтың жұмыс жоспарына сәйкес, Басқарма басшысының орынбасары Р.О.Мұздыбековтың төрағалығымен ағымдағы жылдың 8 тамызында Тараз қаласы әкімдігінің ғимаратында Байзақ, Жамбыл, Т.Рысқұлов аудандары мен Тараз қаласының 2022-2023 жылдардағы жылыту маусымына дайындық жұмыстарының барысы туралы облыстық штабтың отырысы өткізілді.

Штаб отырысында жұмыс тобымен бірқатар зерделенген орталық және автономды қазандықтар мен әлеуметтік нысандардың дайындығы, техникалық жай-күйлері, отын қорларымен қамту және жылу желілерін гидравликалық сынақтан өткізу мәселелері талқыланды. Күн тәртібіндегі мәселелер бойынша Білім, Денсаулық сақтау басқармаларының басшылары мен Тараз қаласы, Байзақ, Жамбыл, Т.Рысқұлов аудандары әкімдерінің орынбасарлары баяндама жасады.

Қаралған мәселелер бойынша алдағы жылыту маусымына жоспарланған көмір қорымен қамтамасыз ету және нысандардағы орын алған бірқатар кемшіліктерді жою бойынша тиісті тапсырмалар беріліп, хаттамаға енгізілді.