Мемлекеттік рәміздер күні құтты болсын!

Жамбыл облысы әкімдігінің дін істері басқармасы барлық азаматтарды Қазақстан Республикасының Мемлекеттік рәміздер күнімен құттықтайды.

«Қазақстан Республикасының Мемлекеттік рәміздері туралы» Конституциялық Заң 2007 жылғы 4 маусымда қабылданды. Осы Заңға сәйкес жыл сайын 4 маусым Қазақстан Республикасында Мемлекеттік рәміздер күні ретінде мерекеленеді. Мемлекеттік рәміздер – бұл кез келген мемлекеттің егемендігі мен біртұтастығын бейнелейтін, оның ажырағысыз атрибуттарының бірі. Қазақстан Республикасында Мемлекеттік ту, Мемлекеттік елтаңба және Мемлекеттік гимн мемлекеттік рәміздер болып табылады.

2026 жылғы 4 маусымда Жамбыл облысы әкімдігінің дін істері басқармасының басшысы ұжыммен бірге Қазақстан Республикасының Мемлекеттік әнұранын орындады.