Денсаулық сақтау министрі Ақмарал Әлназарова Жамбыл облысының тұрғындарымен кездесті

Денсаулық сақтау министрі Ақмарал Әлназарова Жамбыл облысының тұрғындарымен кездесіп, елдегі денсаулық сақтау жүйесінде жүзеге асырылып жатқан реформалар мен саланы дамытудың негізгі бағыттары туралы айтты.

Министрдің сөзінше, бүгінде медициналық көмектің сапасы мен қолжетімділігін арттыру мемлекеттік саясаттың басты басымдықтарының бірі болып отыр. Осы мақсатта денсаулық сақтау ұйымдарының материалдық-техникалық базасын жаңғырту, кадрлық әлеуетті күшейту және тұрғындарды дәрі-дәрмекпен қамтамасыз ету бағытында жүйелі жұмыстар жүргізілуде.

Кездесу барысында өңірдегі денсаулық сақтау саласының өзекті мәселелері талқыланды. Атап айтқанда, медициналық инфрақұрылымды дамыту, білікті мамандар тапшылығын азайту және көрсетілетін қызметтердің сапасын жақсарту мәселелеріне ерекше назар аударылды.

Жиын кезінде облыс тұрғындары өздерін алаңдатқан сауалдарын қойып, медициналық мекемелердің жұмысына қатысты ұсыныстарын жеткізді. Министр әрбір көтерілген мәселеге тоқталып, тұрғындардың сұрақтарына нақты жауап берді.

Ақмарал Әлназарованың айтуынша, халықпен ашық диалог орнату денсаулық сақтау жүйесіндегі түйткілдерді анықтап, оларды шешудің тиімді жолдарын қарастыруға мүмкіндік береді.

Ашық форматта өткен кездесу нәтижесінде тұрғындар мен мемлекеттік органдар арасындағы өзара байланыс нығайып, өңірдегі медициналық көмектің сапасын арттыруға қатысты бірқатар ұсыныстар ортаға салынды.