«Кардиологтар қоғамының» семинары

Научно-клиникалық кардиохирургия және трансплантология орталығында Жамбыл облысы мен Тараз қаласының кардиологтары және жалпы практика дәрігерлерінің қатысуымен «Кардиологтар қоғамының» кезекті отырысы өтті.

Семинар барысында қан айналымы жүйесі аурулары бойынша мониторинг нәтижелері, Еуропалық мектептің созылмалы жүрек жеткіліксіздігі жөніндегі ұсынымдары, СЖЖ кабинеттерінің жұмысы, «Amandyk» регистрін жүргізу, сондай-ақ БСК ауруларын емдеудегі метаболикалық қолдау мәселелері талқыланды.

Облыстың штаттан тыс бас кардиологы Рауза Жұбандықова 9 айдағы БСК бойынша жағдай туралы есеп берді. Оның айтуынша, аурушаңдық 8,1%-ға, ал өлім көрсеткіші 3,1%-ға өсіп, 100 мың тұрғынға шаққанда 85,1-ге жеткен (2024 жылғы 82,0-мен салыстырғанда).

Облыстың СЖЖ жөніндегі үйлестірушісі Алмас Бегділдаев СЖЖ бойынша жол картасының орындалуы туралы ақпарат ұсынды. НКЦКТ-да СЖЖ-нің С және D сатыларымен 1 725 пациент диспансерлік есепте тұр, олардың 40-ында LVAD құрылғылары имплантацияланған. Ол №2, №5, №7 қалалық емханалар мен Байзақ аудандық орталық емханасындағы СЖЖ мектептерінің тиімді жұмысын атап өтіп, басқа аудандар мен емханаларда да мектептердің белсенділігін арттыру және жүйелі есеп жүргізу қажеттігін жеткізді.

Дәрігерлерге «Amandyk» республикалық қосымшасындағы регистрді тұрақты толтырудың маңыздылығы еске салынды.

Семинар қатысушыларына СЖЖ мен БСК-ны диагностикалау және емдеудің дәлелді медицинаға негізделген халықаралық стандарттары таныстырылды. Отырыстың жұмысына 30 маман қатысты. Жиын қорытындысында негізгі мәселелер мен оларды шешу жолдарын айқындаған резолюция қабылданды.