Халықты хабардар ету: Таразда сүт безі қатерлі ісігін алдын алу және емдеу бойынша семинар өтті

«Қызғылт қазан» ауқымды акциясы аясында, онкологиялық аурулар туралы халықтың хабардарлығын арттыру және онкологиялық сақтықты күшейту мақсатында Жамбыл облыстық көпбейінді онкология және хирургия орталығында семинар ұйымдастырылды. Оған сүт безі қатерлі ісігі мәселелері, алдын алу, диагностика және емдеудің өзекті тақырыптары енгізілді.

Семинарға қатысушыларға ұйымдастырушылар сөз сөйлеп, алдын алу жұмыстары мен заманауи тәсілдерді қолданудың маңыздылығын атап өтті.

Онкология және маммология саласының жетекші мамандары мазмұнды баяндамалар жасады. Видеобайланыс арқылы Қазақ ұлттық медицина университеті атындағы С. Асфендияров атындағы бірінші проректоры, медицина ғылымдарының докторы, профессор, Қазақстан Республикасы Ұлттық ғылым академиясының академигі Диляра Қайдарова «Сүт безі қатерлі ісігін диагностикалаудың заманауи әдістері» тақырыбында баяндама жасады.

«Рахат» медициналық орталығының онкомаммологы Муратжан Сақтағанов «Сүт безінің дисгормоналды аурулары – сүт безі қатерлі ісігінің предикторы ретінде» тақырыбында баяндап, ерте диагностикалық белгілер мен қауіп факторларын атап өтті.

Қазақ онкология және радиология ғылыми-зерттеу институтының маммология орталығының жетекшісі Алия Әбдірахманова сүт безінің онкопластикалық хирургиясының принциптері мен клиникалық нәтижелерін айтып, заманауи реконструктивтік әдістердің пациенттердің өмір сапасын арттырудағы рөлін көрсетті.

Химиотерапевт Мария Дмитренко сүт безі қатерлі ісігінің заманауи емдеу әдістері туралы баяндап, жаңа терапевтикалық бағыттар мен персоналдандырылған емдеу тәсілдерін таныстырды.

Сонымен қатар, «Қазақ онкология және радиология ғылыми-зерттеу институты» АҚ басқарма төрағасының уақытша міндетін атқарушы Айша Молдашева медициналық қауымдастық күштерін біріктірудің, алдын алу мен ерте анықтаудың маңыздылығын атап өтті.

Семинар Жамбыл облыстық көпбейінді онкология және хирургия орталығының директоры Жандос Сейдахметовтің қорытынды сөзімен аяқталды. Ол спикерлер мен қатысушыларға белсенді қатысқандары үшін алғыс білдіріп, осындай іс-шаралардың өңірлік медициналық мамандардың тәжірибе алмасуы мен біліктілігін арттырудағы рөлін ерекше атап өтті.