Бүйрек қатерлі ісігі – ерте анықтау маңызды

Бүйрек қатерлі ісігі – зәр шығару жүйесінің ең қауіпті ауруларының бірі. Әлем бойынша онкологиялық сырқаттардың ішінде таралуы жоғары дерттердің қатарына жатады.

Қауіп факторлары:

тұқым қуалаушылық бейімділік;

семіздік пен дұрыс емес тамақтану;

темекі шегу;

гипертония (қан қысымының жоғары болуы);

зиянды өндірістік ортада жұмыс істеу.

Аурудың алғашқы белгілері:

бел аймағында ауырсыну;

несептен қан келуі;

ісіну, әлсіздік, арықтау;

қан қысымының тұрақсыздығы.

Бұл белгілер басқа ауруларда да кездесуі мүмкін, бірақ оларды елемеу қауіпті.

Алдын алу шаралары:

салауатты өмір салтын ұстану,

темекі мен алкогольден бас тарту,

дұрыс тамақтану және салмақты бақылау,

жылына кемінде бір рет профилактикалық тексеруден өту.

Есте сақтайық: ерте диагностика – өмірді сақтайды. Дертті бастапқы кезеңде анықтау оны тиімді емдеуге мүмкіндік береді.