Денсаулық сақтау басқармасының басшысы азаматтарды жеке қабылдады

Бүгін Денсаулық сақтау басқармасының басшысы Сержан Назарбек азаматтармен жеке қабылдау өткізді. Қабылдау барысында тұрғындар өздерін толғандырған мәселелер мен ұсыныстарын жеткізуге мүмкіндік алды.

Кездесу азаматтармен кері байланысты нығайту, олардың нақты проблемаларын тыңдап, шешу жолдарын қарастыру мақсатында ұйымдастырылды. Әрбір өтініш жеке қаралып, кейбір мәселелер бойынша жедел шаралар қабылданды.

Басқарма басшысы тұрғындардың көтерген барлық мәселелері назардан тыс қалмайтынын және оларды шешу бойынша тиісті жұмыстар жүргізілетінін атап өтті.