Ыстық ауа райында абай болыңыз!

Ыстық ауа райына байланысты жедел жәрдем медициналық қызметіне жүгіну саны айтарлықтай артты.

Жамбыл облыстық жедел жәрдем станциясының мәліметінше, соңғы күндері шақыртулар саны 20-30%-ға көбейіп, тәулігіне 1700-1800-ге дейін жеткен.

Науқастар көбіне мынадай шағымдармен жүгінген:

- созылмалы аурулардың асқынуы,

- күн өту,

- сусыздану,

- қан қысымының көтерілуі,

- әлсіздік пен бас айналу.

Ыстық күндері әсіресе қарт адамдар, балалар, жүкті әйелдер және жүрек-қан тамырлары мен тыныс алу жолдарының аурулары бар адамдар осал топқа жатады.

Оларға ұсынылады:

- сағат 11:00-ден 17:00-ге дейін күн астында болмау,

- ашық түсті жеңіл киім кию,

- көбірек су ішу,

- ауыр тағам мен алкогольден бас тарту,

- күн өтудің алғашқы белгілері (бас айналу, жүрек айну, әлсіздік) байқалғанда дереу медициналық көмекке жүгіну.