Жамбыл облысында туберкулезге қарсы аурушаңдық көрсеткіші төмендеді

Соңғы 20 жыл ішінде Жамбыл облысында туберкулезге қарсы аурушаңдықтың төмендеуіне байланысты төсек қорлары қысқарды: 2004 жылы 900 төсек болса, 2014 жылы – 775, ал 2024 жылы – 175-ке дейін азайды. Қазіргі таңда 80 төсек орны ғана бар. Яғни, төсек саны - 11,3 есеге қысқарған.

Мұның барлығы - туберкулезге қарсы жасалып жатқан әрекеттердің арқасында мүмкін болып отыр.

Жалпы, облыстық фтизиопульмонология орталығының басты бағыттарының бірі — латентті туберкулез инфекциясын (ЛТИ) анықтау және оны профилактикалық емдеу. Бұл жұмыс туберкулез қаупі жоғары топтарға жататын адамдармен жүргізіледі.

Олардың қатарында:

• туберкулез ошағындағы қатынаста болғандар,

• ГИБП және ІНФ-а препараттарын қабылдайтындар,

• иммуносупрессивті терапия (глюкокортикоидтар, цитостатиктер және т.б.) алатындар,

• диализде жүрген, трансплантацияға дайындалып жатқан науқастар,

• силикозбен және қант диабетімен ауыратындар,

• АИТВ жұқтырғандар мен осындай отбасылардағы балалар,

• әлеуметтік осал топтардан шыққан балалар мен ересектер,

• БЦЖ егілмеген немесе егілген белгісі жоқ балалар бар.

Аталған тұлғаларға медициналық көрсеткіштерге сәйкес қысқа мерзімді профилактикалық ем жүргізіледі.

Еске сала кетейік, Қазақстанда туберкулез бойынша тәуліктік төсек қорларын жабу жоспарлануда. Жамбыл облысында да оның алгоритмі қарастырылуда.