Сержан Назарбек Жамбыл облысындағы туберкулезге қарсы жүргізіліп жатқан жұмыстарды саралады

Жамбыл облысы денсаулық сақтау басқармасының басшысы Сержан Назарбек өңірдегі туберкулезге қарсы күрес бағытында атқарылып жатқан шараларды талдап, эпидемиологиялық ахуалдың тұрақтанғанын атап өтті.

Статистикалық деректерге сәйкес, соңғы 20 жылда туберкулезбен сырқаттанушылық – 3,8 есеге, таралу көрсеткіші – 4 есеге, өлім-жітім – 21 есеге, ал белсенді туберкулезбен диспансерлік есепте тұрғандар саны – 11 есеге төмендеген.

• 2004 жылы 1490 жағдай тіркеліп, 100 мың тұрғынға шаққанда 151,8 құраса,

• 2024 жылы – 399 жағдай (32,6).

• Өлім-жітім: 2004 жылы – 216 жағдай (23,0),

• 2024 жылы – 13 жағдай (1,1).

• Белсенді науқастар саны: 2004 жылы – 4343 (440,5),

• 2024 жылы – 488 (39,9).

Атқарылып жатқан негізгі жұмыстар:

1. Диагностикада халықаралық стандарттарға сай озық технологиялар қолданылуда: BACTEC MGIT-960, Hain-test, Gene-Xpert, Bioneer. Бұл құрылғылар туберкулезді және дәріге төзімді түрін 2 сағат ішінде анықтауға мүмкіндік береді.

2. Флюорографиялық тексеру «Флюоротека» модулі арқылы жоспарланып, ересектер – 81%, қауіп тобы мен жасөспірімдер – 100% қамтылды.

3. Балалар арасындағы Манту және ТРА сынамасы 100% қамтылуда.

4. 2024 жылы Ғаламдық қордың қолдауымен орнатылған Квантифирон аппараты белсенді туберкулезді диагностикалауда қолданылуда.

5. БЦЖ екпесі барлық перзентханаларда жүргізіледі, ал медициналық себеппен кейінге қалдырылған балаларға МСАК мекемелерінде алгоритм бойынша егіледі.