Зәуре Көпжасарова «Монодрама – шеберлік шыңы» атты шеберлік сағатын өткізді

Бүгін, яғни, 3 қазан күні А.Тоқпанов атындағы Жамбыл облыстық драма театрының кіші залында М.Әуезов атындағы Қазақ ұлттық драма театрының актрисасы, Қазақстан Республикасының Жастар одағы «Серпер» сыйлығының лауреаты Зәуре Көпжасарова «Монодрама – шеберлік шыңы» атты шеберлік сағатын өткізді.
Аталмыш шеберлік сағаты аясында Жансая Бауыржанқызының «Қайдасың, мама?» моноспектаклі сахналанды. Тағдыр ағыны бірде сыртқа тепсе, бірде бауырына тартады, бірде лапылдаған тозақ-жалын болып қамаласа, кейде біртоға, бұйығы сезімге айналып, тығырыққа тірейді. Осындай сәттерде адам баласының қасынан табылатын ана екендігін қойылым арқылы шеберлікпен жеткізе білген Зәуре Көпжасароваға моноспектакльді тамашалаған көрермен зор қошемет білдірді.