Бүгін «125 International High School» мектебінің базасында Ұлыбританияның Лондон қаласында өткен халықаралық «TEENEAGLE GLOBAL FINALS» білім сайысына қатысып, үздік нәтиже көрсеткен «125 International High School» мектебінің оқушыларын ҚР-дағы Британдық баспалардың ресми өкілдері болып табылатын StudyInn халықаралық білім беру холдингі мен "Көкжиек-Горизонт" баспа үйінің және Жамбыл облысы әкімдігінің білім басқармасының атынан салтанатты мараппаттау рәсімі өтті.
«125 International High School» мектебінің 6 оқушыдан тұратын командасы TEENEAGLE GLOBAL FINALS халықаралық білім сайысына қатысқан. Әлемнің түпкір-түпкірінен келген білімді оқушылар бақ сынасқан сайыста оқушыларымыз оза шауып Қазақстан қоржынына 1 алтын, 1 күміс, 2 қола медальдар салса, 2 оқушы «Құрмет грамоталарымен» марапатталды.
Жүлдегер оқушылар ақшалай сыйлықтармен, сонымен қатар, кітаптармен марапатталды. Байқауға дайындап, жетекшілік еткен ұстаздары мен балаларына демеушілік жасап үлкен сайыста қолдау білдірген ата- аналары да сый-құрмет пен алғысқа бөленді.
Жеңімпаз оқушыларды жеңістерімен құттықтаймыз!
Сонымен қатар, StudyInn халықаралық білім беру холдингі мен "Көкжиек-Горизонт" баспа үйінің өкілдері - Мемлекеттік сатып алу департаментінің басшысы Медет Санатұлына, өңірлік даму директоры Қарлығаш Төкенқызына және GR Директор Аида Уразаеваға алғыс білдіреміз.