Жамбыл облысы әкімдігі білім басқармасының оқу-әдістемелік кабинетінің ұйымдастыруымен жас педагогтардың өзін-өзі жетілдіруге және әлеуметтік шығармашылығының дамуына жағдай жасау, білім беру жүйесін дамытуға кәсіби көзқарасын қалыптастыру мақсатында еңбек өтілі 1-5 жылды құрайтын педагогтар арасында «Дарынды балаларға – талантты ұстаз» атты облыстық педагогикалық олимпиада өтті.
Офлайн режимінде өткен іс-шараға барлық аудандар мен Тараз қаласынан 21 педагог қатысты. Олар өзін-өзі таныстыру «Педагогикалық дебют» және панорамалық сабақ немесе «Педагогикалық шеберлік қоймасы» тапсырмалары бойынша кәсіби шеберліктерін көрсетті.
Педагогикалық олимпиаданың қорытындысы бойынша ұстаздар бас жүлде, I,II,III дәрежелі дипломдармен және алғысхаттармен марапатталды:
1.Жүніс Ақерке - Жамбыл ауданы «Бауыржан Момышұлы атындағы мектеп –гимназиясы» КММ
Облыстық байқаудың жеңімпаздары Республикалық «Дарынды балаларға – талантты ұстаз» педагогикалық олипиадасының III кезеңіне қатысатын болады.