Пара-футбол жұлдыздары балаларға «Шекарасыз футбол» қуанышын сыйлады

Тараз қаласындағы №2 арнайы «Болашақ» мектебінде ерекше әрі жүрекке жылы шара өтті.

«Дара» қайырымдылық қоры Қазақстан футбол федерациясымен және Қазақстанның зағип жандарға арналған футбол федерациясымен бірлесе отырып «Шекарасыз футбол: бәріне қолжетімді мүмкіндіктер» жобасын өңірде іске қосты.

«Шекарасыз футбол» – бұл жай ғана ойын емес, балаларға өз күшіне сену, қозғалыстың қуанышын сезіну және қоғамға еркін араласу мүмкіндігін сыйлаған бастама.

Шара барысында балалар Блайнд футболдың (5х5) негіздерін үйренді. Дыбыстық доппен ойнау, серіктеске сенім арту, кеңістікті сезіну – олардың жаңа тәжірибесіне айналды.

Шеберлік сабағын ұлттық пара-футболдың үздік өкілдері өткізді:

• Антипин Анатолий Анатольевич – Қазақстан ұлттық құрамасының бас бапкері

• Болат Жанымхан – Еуропадағы үздік бомбардирлердің бірі, ұлттық құрама ойыншысы

Олар балаларға:

«Мүмкін еместің өзі мүмкін, егер жүрекпен ойнасаң» деген сенім сыйлады.

Бұл кездесу балаларға:

• Жаңа дағдылар

• Қуаныш пен жігер

• Жеңіске деген құлшыныс

сыйлап, көздеріндегі үміт отын жақты.

«Дара» қоры 18 жылдан бері балалардың әлеуетін ашуға, қоғамға еркін бейімделуіне жағдай жасап келеді. Осы уақыт ішінде 40 000-нан астам балаға қолдау көрсетіліп, 300-ден астам жоба іске асырылған.