ЕЛ ӨМІРІНДЕГІ МАҢЫЗДЫ ОҚИҒА

Атырауда өткен "Адал адам – Адал еңбек – Адал табыс" ұлттық құрылтайының үшінші отырысында қатысушылар барлық қазақстандық қоғамды толғандыратын мәселелерді кезекті рет талқылау үшін жиналды.
Еліміз үшін осындай маңызды оқиға биылғы жылы жаңа форматта өтетін Наурыз мейрамымен және барлық мұсылмандар үшін қасиетті Рамазан айының басталуымен тұспа – тұс келді.
Отырыс бұрын қазақ хандарының астанасы-ежелгі Сарайшық қонысы орналасқан ата-бабалардың қасиетті жерінде өтті. Сондықтан қатысушылар ұлттың рухани дамуы мен оның бірегейлігін сақтау мәселесін бірінші орынға шығарғаны заңды. "Сенімді алға жылжу үшін біз ұлттық тарихтың ауқымын толық түсініп, өз мәдени мұрамызды қорғап, ілгерілетуіміз керек", - деді Президент Қ.Тоқаев. "Рухани тамырларымызды құрметтей отырып, біз мемлекетіміздің зайырлы мәртебесін барынша нығайтуға тиіспіз".
Құрылтай қатысушыларынан жеті хан жерленген Алтын Орданың астанасы – Сарайшықты ғылыми орталыққа айналдыру туралы ұсыныс түсті. Мемлекет басшысы Қазақстанның жаңа академиялық тарихын жеті томдықта жазу бойынша жоспарлы жұмыстар жүргізіліп жатқанын хабарлады. Бұл жобаға 250-ден астам ғалым, оның ішінде 60 шетелдік маман қатысты.

Президент біздің қоғамда бес әлеуметтік жамандықтың таралуына сенімді тосқауыл қоюға шақырды: есірткі саудасы және нашақорлық; людомания; отбасылық-тұрмыстық зорлық-зомбылық, қорқыту және агрессия; вандализм; ысырапшылдық.
Құрылтайда мемлекет қызметінің барлық салаларындағы жұмысты жетілдіруге бағытталған көптеген мәселелер талқыланды. Олардың ешқайсысы да назардан тыс қалған жоқ. Қатысушылар тек проблемалар туралы сөйлесіп қана қоймай, олардың ұсыныстарын заңнамалық деңгейде тыңдау және жүзеге асыру үшін жеткілікті сенімді дәлелдер келтірді.
Бүгін біз өткен екі отырыстың атқарылған жұмысының нәтижелерін көріп отырмыз. Олар елдің дамуы үшін маңызды бастамаларды бастады деп айтуға болады. Құрылтай әлемнің түкпір-түкпірінде тұратын этникалық қазақтардың кездесуі мен диалогы үшін бірегей алаңға айналды. Ол қазақ халқының ұлттық тарихын, мәдениеті мен дәстүрлерін жаңа көзқараспен қарауға және байытуға мүмкіндік берді, осылайша әділ Қазақстанның дамуына баға жетпес үлес қосты.
Қасым-Жомарт Тоқаев барлық жаңа идеялар мен бастамалар мұқият қаралып, нақты шаралар қабылданатынына сендірді.

Әзімбек Ойықбаев,
ауылдық ардагерлері кеңесінің төрағасы.
Дихан ауылы.