Жамбыл облысы Байзақ ауданы Суханбаев ауылдық округі әкімінің аппараты

         «Байзақ ауданы Суханбаев ауылдық округі әкімінің аппараты» коммуналдық мемлекеттік мекемесі  (бұдан әрі – әкім аппараты) ауылдық округі әкімінің қызметін ақпараттық-таладу, ұйымдастыру-құқықтық және материалдық-техникалық қамтамасыз ету салаларында басшылықты жүзеге асыратын Қазақстан Республикасының мемлекеттік органы болып табылады.

          Әкімінің аппаратының ведомстволық бағынысты ұйымы жоқ.

          Әкімінің аппараты өз қызметін Қазақстан Республикасының Конституциясына және заңдарына, Қазақстан Республикасының Президенті мен Үкіметінің актілеріне, өзге де нормативтік құқықтық актілерге, сондай-ақ осы әкімінің аппараты туралы Ережеге сәйкес жүзеге асырады.

           Әкімінің аппараты мемлекеттік мекеме ұйымдық-құқықтық нысанындағы заңды тұлға болып табылады, оның рәміздері мен айырым белгілері (бар болса), Қазақстан Республикасының Мемлекеттік Елтаңбасы бейнеленген мөрлері және атауы қазақ және орыс тілдерінде жазылған мөртабандары, белгіленген үлгідегі бланкілері, Қазақстан Республикасының заңнамасына сәйкес қазынашылық органдарында шоттары бар.