Диқан ауылдық округінің 2024 жылғы Мемлекеттік қызметтер көрсету мәселелері жөніндегі қызметі туралы есебі
Диқан ауылдық округінің 2024 жылғы Мемлекеттік қызметтер көрсету мәселелері жөніндегі қызметі туралы есебі
Ауылдық округ 5 түрлі мемлекеттік қызмет көрсетеді
- Жер учаскесініңнысаналы мақсатын өзгертуге шешім беру
- "Сауда-саттықты (аукциондарды) өткізуді талап етпейтін мемлекет меншігіндегі жер учаскелеріне құқықтарды алу" мемлекеттік көрсетілетін қызметін көрсету.
- «Жер учаскесін жеке меншікке ақысын бірден төлеп не бөліп төлеуге сату» мемлекеттік қызметін көрсету
- "Кент, ауыл жерлерінен жер учаскесін беру" мемлекеттік қызметін көрсету.
- Жер учаскесін алу үшін кезекке қою
Мемлекеттік қызметті көрсетуді ашып айтатын болсақ 2024 жылдың 12 айында Жер учаскесініңнысаналы мақсатын өзгертуге өтініш түспеген.
"Сауда-саттықты (аукциондарды) өткізуді талап етпейтін мемлекет меншігіндегі жер учаскелеріне құқықтарды алу" мемлекеттік көрсетілетін қызметін көрсету Е-лицензия электронды жүйесі арқылы 3 өтініш қабылданып, өтініш иелеріне уақытында жауап беріліп оң шешім қабылданған.
«Жер учаскесін жеке меншікке ақысын бірден төлеп не бөліп төлеуге сату» мемлекеттік қызметін көрсету қолма-қол 3 өтініш қабылданып, өтініш иесіне уақытында жауап беріліп оң шешім берілген.
"Кент, ауыл жерлерінен жер учаскесін беру" мемлекеттік қызметін көрсету бойынша өзіндік қосалқы шаруашылығын жүргізу үшін 26 азаматтан өтініштер қолма қол қабылданып, жер кезегі бойынша 0,10 гектар жер телімінен беріліп, өтініштері қанағаттандырылды.
Жер учаскесін алу үшін кезекке қою егов арқылы жер кезегіне тұра алады, әр азамат өзінің ЭЦҚ (электронды цифрлық қолтаңба) арқылы тұра алады.
2024 жылы Мемлекеттік қызмет көрсету бойынша бизнес процесс бұзылуы орын алған жоқ және қызмет көрсетуден бас тартылған фактілер болған жоқ.
Мемлекеттік көрсетілетін қызметтер саласы бойынша ақпараттық насихаттау жұмыстары ай сайын жүргізіледі яғни ауылдық округтің жеке парақшаларында яғни facebook, instagram парақшаларында және ауылдық округтің уатсаб чаттарында жарияланып отырады.
Диқан ауылдық округінің ғимаратында пандус, қоңырау, сары жолақ, тактильді тақта, жұмыс кестесі толық қамтылған.