Меню
Тұрғын үй-коммуналдық шаруашылықтың сипаттамасы
Тұрғын үй-коммуналдық шаруашылық (ТҮКШ) — тұрғын үй қорын, инженерлік желілер мен коммуналдық инфрақұрылым нысандарын ұстау, пайдалану және қызмет көрсету арқылы халықты қолайлы әрі қауіпсіз өмір сүру жағдайымен қамтамасыз ететін әлеуметтік-маңызды сала.
ТҮКШ саласының негізгі мақсаты — тұрғын үй қорының сақталуын қамтамасыз ету, коммуналдық қызметтердің сапасын арттыру және елді мекендердің санитарлық, экологиялық және абаттандыру жағдайын жақсарту.
Тұрғын үй-коммуналдық шаруашылықтың негізгі бағыттары:
көппәтерлі тұрғын үйлерді басқару және күтіп-ұстау;
жылумен, ауызсумен жабдықтау және су бұру қызметтерін көрсету;
электрмен, газбен қамтамасыз ету;
қатты тұрмыстық қалдықтарды жинау және шығару;
елді мекендерді санитарлық тазалау;
аулалар мен қоғамдық аумақтарды абаттандыру және көгалдандыру;
көшелерді жарықтандыруды ұйымдастыру;
инженерлік желілердің үздіксіз жұмысын қамтамасыз ету;
Тұрғын үй-коммуналдық шаруашылық саласындағы қызмет тұрғындардың өмір сүру сапасын арттыруға, тұрғын үй қорының тозуын азайтуға және коммуналдық ресурстарды тиімді пайдалануға бағытталған.