Наурыз мейрамын мерекелеу қарсаңында Жоғары Сот Кеңесі жанындағы Сот төрелігі академиясында волейболдан жолдастық турнир ұйымдастырылды

Наурыз мейрамын мерекелеу қарсаңында Жоғары Сот Кеңесі жанындағы Сот төрелігі академиясында волейболдан жолдастық турнир ұйымдастырылды.

Турнирге Кеңес мүшелері мен Аппаратының қызметкерлері, Сот төрелігі академиясының профессорлық-оқытушылық құрамы мен магистранттары қатысты.

Бұл іс-шара командалық рухты нығайтуға, ұжымды біріктіруге және тиімді өзара іс-қимыл жасау үшін қолайлы жағдайлар жасауға бағытталған.

Ерекше көзге түскен ойыншылар келесі номинациялар бойынша марапатталды: "Үздік байланыстырушы" – Жоғары Сот Кеңесінің мүшесі Сапар Әміртаев,"Үздік ойыншы"– Кеңес Аппаратының қызметкері Әйгерім Қыздарбай және"Белсенді ойыншы" – Сот төрелігі академиясының магистранты Даяна Махметова.

Кеңес басшылығы командалық рух пен салауатты өмір салтын дамытуға ерекше назар аударады және бұл іс-шара мереке қарсаңында ұжымды табысты біріктірудің жарқын үлгісі болды.