Қазақстан Республикасының Жоғары Сот Кеңесі аудандық және оларға теңестірілген соттар төрағаларының лауазымдарына іріктеуге қатысу үшін бос жұмыс орындарының тізбесін орналастырады
Барлығы: 65 бос лауазым.
2024 жылдың 1 қаңтарынан бастап аудандық соттардың төрағаларын қызметке сайлау жөніндегі жаңа тетік заңнамалық түрде енгізілді.
Бұл тетік бойынша аудандық сот төрағасының бос лауазымына кандидаттарды іріктеуді облыстық және оған теңестірілген соттардың кеңейтілген жалпы отырысының шешімі негізінде сайланған адамдар арасынан Жоғарғы Сот Кеңесімен жүзеге асырылады.
Іріктеуге жұмыс істеп жүрген судьялар немесе судья лауазымында кемiнде бес жыл жұмыс өтілі бар адамдар қатысуға құқылы.
Іріктеу келесі кезеңдерді қамтиды:
1) Кеңестің интернет-ресурсында іріктеуге қатысуға ниет білдірген тұлғалардан құжаттарды (конкурсқа қатысу кезіндегі ұқсас) қабылдау туралы хабарландыруды орналастыру, сондай-ақ Кеңестің кадр резервінде тұрған адамдарға ұсыныстарды және іріктеуге қатысу үшін қажетті құжаттар тізбесін жолдау;
2) іріктеуге қатысуға ниет білдірген адамдардан құжаттарды, сондай-ақ кадр резервінде тұрған адамдардан жазбаша келісімдерді (қажетті құжаттармен) қабылдау;
3) Кеңестің іріктеуге қатысатын адамдардың құжаттарын алдын ала қарауы;
4) кандидаттарды іріктеуге қатысуға жіберу және Кеңестің интернет-ресурсында іріктеуге қатысуға жіберілген адамдардың тізімін орналастыру;
5) Кеңестің облыстық немесе оған теңестірілген соттарға көрсетілген лауазымдарына резерв тізімін (бар болса), сондай-ақ өзін-өзі ұсынушыларды кемінде 2 кандидат жіберу;
6) облыстық немесе оған теңестірілген соттың кеңейтілген жалпы отырысының Кеңес енгізген кандидаттарды қарауы;
7) Жоғарғы Соттың жалпы отырысының қаулысымен бекітілген Облыстық және оған теңестірілген соттың жалпы және кеңейтілген жалпы отырсытарының үлгілік регламентіне сәйкес облыстық және оған теңестірілген соттың кеңейтілген жалпы отырысында кандидаттардың жасырын дауыс беруімен сайлау және Кеңеске кемінде аудандық және оған теңестірілген сот төрағасының әрбір бос лауазымына 2 кандидаттың тізімін енгізу;
8) кеңейтілген жалпы отырыспен сайланған кандидаттарға Кеңестің тұрақты мүшелерімен бағалау жүргізу;
9) облыстық немесе оған теңестірілген соттың кеңейтілген жалпы отырысы ұсынған кандидатураларды Кеңес отырысында қарау;
10) Кеңестің кандидатураларды мақұлдауы немесе қабылдамауы.
Іріктеуге қатысу үшін жұмыс істеп жүрген судьялар ұсынатын құжаттар тізімі (өту).
Құжаттарды тапсыру кезінде кандидаттардың құжаттарының электрондық көшірмелерін (енгізілетін құжаттардың сканерленген нұсқалары) электрондық жеткізгіште (диск, флеш-карта) қоса беру қажет.
Барлық ұсынылған құжаттарда өзекті ақпарат болуы керек, қолы және жасалған немесе бекітілген күні, қажет болған жағдайда тіркеу нөмірі мен күні болуы керек. Құжаттарда кандидатқа қатысты өзекті мәліметтер болуға тиіс.
Егер конкурсқа қатысушылардың мәліметтері олар құжаттарды тапсырғаннан кейін өзгерсе, онда олар 1 күн ішінде Кеңестің аппаратына жаңартылған ақпаратты (жазаға тартылуы, лауазымының өзгеруі, өзінің немесе жақын туысқандарының қылмыстық жауаптылыққа тартылуы және т.б.) ұсынуы тиіс.
Құжаттарды ұсыну мерзімдері
Құжаттар 2025 жылғы 28 ақпанды қоса алғанда келесі мекен-жайға ұсынылуы тиіс: 010000, Астана қаласы, Мәңгілік Ел даңғылы 8, Министрліктер үйі, № 1В кіреберіс, Жоғары Сот Кеңесі.
Құжаттар тиісінше немесе толық рәсімделмеген жағдайда кандидаттар конкурсқа жіберілмейді және құжаттар кері қайтарылады.
Қосымша мәліметтер
Конкурстың қорытындылары туралы ақпарат Жоғары Сот Кеңесінің интернет-ресурсында орналастырылады (www.vss.gov.kz).
Анықтама алу үшін байланыс телефондары: 8(7172) 75-03-09, 74-91-03, 74-96-47, 74-97-63.
Бос лауазымдардың тізімі сілтеме бойынша (өту).