Жоғары Сот Кеңесі жанындағы Сот төрелігі академиясында Қазақстан Республикасы Парламенті Мәжілісінің депутаты Үнзила Шапақ магистранттарға қонақ дәріс оқыды

Жоғары Сот Кеңесі жанындағы Сот төрелігі академиясында Қазақстан Республикасы Парламенті Мәжілісінің депутаты Үнзила Шапақ магистранттарға қонақ дәріс оқыды.

Кездесу барысында ұлттық заңнаманы жетілдіру және Қазақстанның сот жүйесін одан әрі дамыту мәселелері талқыланды.

Дәріс барысында шақырылған лектор жаңа Конституцияның негізгі қағидаттарын іске асыру және қазіргі заманғы сын-қатерлер жағдайында конституциялық құндылықтарды қорғау мәселелеріне ерекше назар аударды. Депутаттың айтуынша, цифрлық қоғамның қалыптасуы болашақ судьялардан конституциялық нормаларды терең түсінуді және Қазақстан Республикасы азаматтарының құқықтары мен бостандықтарын цифрлық ортада қорғауды қамтамасыз ету мақсатында жоғары кәсіби даярлықты талап етеді.

Сонымен қатар, Үнзила Шапақ заң шығару қызметіндегі практикалық тәжірибесімен бөлісті.

Кездесу сындарлы диалог форматында өтті. Магистранттар талқылауға белсенді қатысып, сұрақтар қойып, пікір алмасты. Бұл қазіргі Қазақстанның құқықтық жүйесін дамытудың өзекті мәселелері бойынша мазмұнды пікірталас өрбітуге мүмкіндік берді.

Қатысушылар мұндай кездесулердің кәсіби ойлауды дамытуға, құқықтық білімді тереңдетуге және сот жүйесіндегі болашақ қызметке бағыт-бағдар қалыптастыруға ықпал ететін практикалық маңызын атап өтті.

Жоғары Сот Кеңесі білім беру үдерісіне жетекші ғалымдарды, заң шығарушы және сот билігінің өкілдерін, сондай-ақ тәжірибелі заңгерлерді жүйелі негізде тарта отырып, тәжірибеге бағдарланған даярлыққа және сот жүйесі үшін жоғары білікті кадрлар қалыптастыруға ерекше назар аударады.