Жоғары Сот Кеңесінің төрағасы Дмитрий Малаховтың төрағалығымен судьяларды іріктеуге арналған жеке ақпараттық жүйені құру жобасын іске асыру мәселелері бойынша жұмыс кеңесі өтті

Жоғары Сот Кеңесінің төрағасы Дмитрий Малаховтың төрағалығымен судьяларды іріктеуге арналған жеке ақпараттық жүйені құру жобасын іске асыру мәселелері бойынша жұмыс кеңесі өтті.

Кеңес барысында қатысушылар жұмыстың ағымдағы кезеңін талқылап, Кеңестің бірыңғай электрондық деректер базасының  негізін құрайтын «Бос орындар», «Судьялар тізілімі» және «Соттар тізілімі» функционалдық модульдерін таныстырды. Оларды жетілдіру бойынша ескертулер мен ұсыныстар енгізілді.

Жақын уақытта кандидаттарды бағалау рәсімдерінің негізгі кезеңдерін қамтитын «Біліктілік емтиханы» және «Конкурстық іріктеу» модульдерін әзірлеуді аяқтау жоспарлануда.

Жобаны кезең-кезеңімен іске асыру Кеңеске конкурстық рәсімдерді жүйелеуді және деректермен жұмыс істеуде бірыңғай тәсілді қамтамасыз ететін тұтас цифрлық платформаны қалыптастыруға мүмкіндік береді.

Жобаның басты мақсаты — Кеңес тарапынан судьяларды іріктеудің ашық әрі объективті тетігін қалыптастыру.

Жобаны іске асыру процестердің басқарылуын арттыруға, материалдарды қарау мерзімдерін қысқартуға және үміткерлердің конкурстарға қатысуын жеңілдетуге мүмкіндік береді.

Кеңес қорытындысы бойынша Кеңес төрағасы Дмитрий Малахов жүйені одан әрі дамыту жөнінде нақты міндеттер қойып, тиісті тапсырмалар берді.