«Казахстанская правда» газетінде Қазақстан Республикасының Тәуелсіздік күніне орай Жоғары Сот Кеңесінің Төрағасы Дмитрий Малаховтың «Мемлекеттілік пен құқықтық дамудың негізі» тақырыбындағы мақаласы жарияланды

«Казахстанская правда» газетінде Қазақстан Республикасының Тәуелсіздік күніне орай Жоғары Сот Кеңесінің Төрағасы Дмитрий Малаховтың «Мемлекеттілік пен құқықтық дамудың негізі» тақырыбындағы мақаласы жарияланды.

Мақалада Дмитрий Малахов Конституциялық заңның қабылдануы ел тарихындағы шешуші кезең болғанын атап өтті. Аталған заң заманауи мемлекеттіліктің негізін қалап, демократия, әділеттілік және заң үстемдігі қағидаттарын бекітті, сондай-ақ тәуелсіз сот жүйесін қалыптастыруға жол ашты.

Кеңес Төрағасы азаматтардың құқықтары мен бостандықтарын қорғаушы институт ретінде сот билігіне ерекше назар аударды. Оның айтуынша, судьялардың тәуелсіздігіне берілген конституциялық кепілдіктер қоғамның сот төрелігіне деген сенімінің және мемлекеттің тұрақтылығының негізі болып табылады, әсіресе қазіргі жаһандық және технологиялық сын-қатерлер жағдайында.

Сондай-ақ Дмитрий Малахов судьяларды объективті іріктеуді қамтамасыз ететін, этикалық және кадрлық стандарттарды дамытуға, Кеңес жанындағы Сот төрелігі академиясы арқылы даярлауды үйлестіруге, кәсіби әрі тәуелсіз сот корпусын қалыптастыруға жауапты жүйеқұраушы орган ретіндегі Жоғары Сот Кеңесінің рөлін атап өтті. Бұл өз кезегінде азаматтардың сенімін нығайтып, құқықтық мемлекеттің тұрақтылығын қамтамасыз етеді.